Kungiyar Kare Hakkin dan Adam ta Human Rights Watch dai ta bayyana hakan ne cikin wata sanarwa da ta fitar, inda ta ce sojojin Isra'la da suka mamaye kudancin Siriya tun watan Disambar bara sun gudanar da ayyukan cin-zarafi a kan mazauna yankin. 

Matakin na Isra'ila dai, na zama wani bangare na kokarin da sabuwar gwamnatin Siriya ke yi na cimma yarjejeniyar tsaro da makwabciyar tata. A cewar kungiya, tilasta al'ummar yankin ficewa daga gidajensu, aikata laifukan yaki ne.

Wannan na zuwa ne bayan da kafafen yada labaran Siriyan suka bayyana cewa, sojojin Isra'ilan sun cafke mutane da dama a kudancin kasar kwana guda bayan da Damascus din ta ce tana aiki tare da Washington domin cimma matsaya guda ta tsaro da Isra'ilan.