Shugaban Amurka Donald Trump ya jefa tattalin arzikin duniya cikin halin koma baya wanda ya rage hasashen ci gaban tattalin arzikin duniya a 2024 da kashi 2.8% a cewar asusun bada lamunin na duniya IMF a rahoton da ya fitar.

An yi tsammanin tattalin arzikin zai tsaya a kashi 3.1% kamar yadda ya kasance a 2024 da ma yiwuwar bunkasa zuwa kashi 3.3% a 2025 a cewar mai bayar da shawara ga asusun na IMF kan tattalin arziki Pierre-Olivie Gourinchas. Asusun ya ce sanarwar Trump kan karin haraji a watan Afrilu ya kawo tsaiko ga tattalin arzikin duniya.

Gourinchas ya ce matakin ramuwar gayya da China ta dauka kan Amurka ya rage dangantakar cinikayya a tsakanin kasashen wanda ya kuma ya yi tasiri a kan ci gaban kasuwanci a duniya.