Ana ganin matakin gwamnatin Indiya zai haifar da farashin shinkafa ya kara tashin gwauron zabi. Ma'aikatar samar da abinci ta kasar ta ce, Indiya ta hana fitar da duk wata farar shinkafa da ba Basmati ba domin dakile karancinta da ma tashin farashinta a kasuwannin cikin gida. Kasashen da haramcin fitar da shinkafar daga Indiya zai shafa sun hada na nahiyar Afirka da Turkiyya da Siriya da kuma Pakistan da dama suke fama da tsadar farashin kayan abinci.

Ko a bara, Indiya da ke safarar fiye da kashi 40 na shinkafarar duniya, ta hana fitar da alkama da kuma siga saboda daidaita farashinsa a kasar. An dai ga yadda farashin shinkafar kke tashi a kasuwannin duniya sakamakon annobar Corona da tasirin yakin Ukraine da na sauyin yanayin na El nino.