Sakamakon farko-farko da ba a hukumance ba sun yi nuni da cewa Subianto na kan gaba da kashi 60 cikin 100 a zagayen farko na zaben, inda Anies Baswedan da ke kasancewa tsohon gwamnan jihar Jakarta ke biye masa da kashi 25.

Zaben Indonesiya na wannan Larabar na zama zaben rana guda mafi girma a duniya. Prabowo wanda tsohon janar din soja ne ya kasancewa daga cikin wadanda suka yi zamani a lokacin mulkin kama karya na tsohon shugaban kasar Suharto, kana ake ganin shi ne zai gaji shugaba Joko Widodo da ke kammala wa'adin mulkinsa na biyu.