Iraki ta hana sojojinta dogaro da Amirka
February 5, 2020![Irak Kirkuk Kurden-PKK](https://static.dw.com/image/51815821_800.webp)
Talla
Wasu manyan kwamandojin Iraki sun tabbatar da ikirarin gwamnatin yayin da dangantaka tsakanin Washingoton da Bagadaza ke kara tsami, bayan kashe kwamandan sojan Iran Qassem Soleimani a filin jirgin Bagadaza.
A karshen watan Janairun 2020 rundunar sojin Iraki suka ci gaba da hadakar aikin soja a hukumance da sauran dakarun kawancen kasashen waje, bayan dakatar da aiki tare saboda fargabar da yankin Gabas ta Tsakiya ta shiga kan kisan Janar Soleimani.