A cikin wata sanarwar da ma'aikatar harkokin wajen kasar ta fitar a yau, ma'aikatar ta ce hukuncin da aka yankewa malamar jami'ar ko kadan baya da tushe da wasu kwakwaran hujjoji da ka iya tabbatar da zargin cin amanar kasa da hukumomin na Iran ke tuhumar Fariba Adelkhah din aikatawa, sannan kuma kasar ta ce za ta ci gaba da dagewa, face sai ta ga mahukuntan na Iran sako ta.

A ranar biyar ga watan Yulin bara ne dai gwamnatin Faransa ta tabbatar da kamun Adelkhah, tare da shigar da jerin wasu muhumman bukatu na ganin an sako ta tun a gabanin a gurfanar da ita a gaban shari'a.