Mahukuntan Tehran sun sanar da kame wasu mutane 9 da suka ce 'yan kasashen ketare ne kuma suna daga cikin masu rura wutar rikicin da ya biyo bayan boren da matan suka fara.

Duk da ma'aikatar leken asirin kasar ba ta fidda sunayen mutanen da ta ce ta kama ba, amma dai ta ce sun fito ne daga kasashen Jamus da Poland da Italiya da Faransa da Holland gami da Sweden.

Ko a jiya Alhamis wasu masu zanga-zanga a Oslo na kasar Norway, sun yi yunkurin kutsa kai cikin ofishin jakadnacin Iran da ke birnin kafin jami'an tsaro su hanasu. 

Suna masu son jan hankalin gwamnatin Tehran, kan zanga-zangar da ke gudana a fadin Iran a game da mutuwar matashiyar Mahsa Amin a hannun jami'an Hisba.