Wata majiya ta zirga-zirgar jiragen ruwa ta tabbatarwa da kamfanin dillancin labarai na Reuters da sakin jirgin, sai dai kuma ta bayyana cewa har yanzu tankar dakon man kirar M/T St. Nikolas da jirgin ruwan dakon man fetur din ke dauke da ita na hannun mahukuntan na Tehran. Tankar dai na dauke da ganga miliyan daya ta danyen man fetur daga Iraki, kuma yana kan hanyarsa ta zuwa Turkiyya lokacin da Iran din da kwace shi a watan Janairun wannan shekara da nufin mayar da martani kan nata jirgin da Amurka ta kwace a bara kamar yadda kafar yada labaran Tehran din ta bayyana a wancan lokaci.