GWamnatin kasar Iran na tuhumar masu zanga-zangar da ta rikide tare da karade kasar ne da yin fito-na-fito ne da tsari na Ubangiji, laifin kuma da shari'ar Musulunci ke kaiwa ga yanke hukuncin kisa a kansa.

A ranar Litinin ne, babban alkalin kasar ya yi kira a kan hukunci ga masu zanga-zangar da suka kai hari kan ‘yan sanda da sauran wuraren tsaro.

A baya dai lokacin zanga-zangar da aka yi a 2022, akalla mutane 12 aka aiwatarwa da hukuncin kisa bayan zanga-zangar da ta shafi nema wa mata 'yanci.

Kungiyoyin kare hakkin dan Adam sun ce sama da mutane 640 sun mutu a zanga-zangar da ta fi girma tun 2022.

Wani jami'in Iran ya ce kimanin mutane 2,000 ne suka mutu tun farkon zanga-zangar makonni biyu da suka gabata.