Isra'ila ta gargadi kasar Iran
February 18, 2018![München MSC 2018 | israelischer Ministerpräsident Benjamin Netanjahu](https://static.dw.com/image/42634192_800.webp)
Firaministan Isra'ila Benjamin Netanyahu ya gargadin kasar Iran da ta guji duk wani yunkuri na tunzura Isra'ila, bayan tabbatar da harbe jirgin Iran mara matuki a cikin kasarsa a makon jiya. Mr Netanyahu wanda ya nuna wani tarkacen da ya ce na jirgin Iran din da aka kakkabe a sararin kasar tasa ne, ya ce muddin aka kyale iran ta mallaki makamashin nukiliya, to fa babu wanda zai isa ya ja mata birki.
Firaministan na Isra'ila da ke magana a karshen taro kan al'amuran tsaro na birnin Munich dake nan Jamus, ya ce koda yake take-taken Iran din ga Isra'ila wata aba ce babba, a daya hannun ya inganta dangantakar kasar da wasu kasashen larabawa.
Ya kuma zargi ministan harkokin wajen Iran Muhammad Javad Zarif, wanda ya wakilci kasar a taron na birnin Munich da iya sharara karya kan cewar Iran din ta ki amincewa da aika jirginmarar matuki.