A wannan Lahadin ne, Firai ministan ya rattaba hannu kan kudurin dokar a gabanin gudanar da zaben da ya ke fuskantar kalubale daga abokin takararsa. Netanyahu ya sha suka a makon da ya gabata bayan da ya dauki wannan alkawarin, da ya ce zai cika muddun aka sake zabensa, sai dai ya zo wa da dama da mamaki yadda ya yi hanzarin cika alkawarin kwanaki biyu kafin ma a gudanar da zaben. Kasashen duniya sun baiyana fargabar cewa, matakin Netanyahun zai iya rusa shirin samar da maslaha a tsakanin Isra'ilan da Falisdinu da aka dade ana fatan ganin an yi.     
 

.