Bayan wata gagarumar zanga-zangar adawa da tsadar rayuwa a Isra'ila, gwamnatin ƙasar ta ba da sanarwar ɗaukar matakan sauye sauye. A cikin jawabin da yayi ta rediyo, ministan kuɗi Juwal Steinitz ya ce za a gagauta aiwatar da matakan. Ya ce nan gaba kaɗan Firaministan Isra'ila Benjamin Netanyahu zai kafa wani kwamiti na musamman da ya ƙunshi ministocin da ƙwararrun masa, domin duba buƙatun masu zanga-zangar waɗanda suka fusata game da hauhawar kuɗin hayar gida, tsadar rayuwa, ilimi kiwon lafiya da kuma ƙaruwar bambamcin wadata tsakanin masu kuɗi da matalauta, inji wannan matar da ta shiga zanga-zangar.

"A yau mune lambawan na dake fuskantar makeken giɓi tsakanin mai kuɗi da talaka. Abin da muke gani a wannan yammacin da ma makonnin nan shi ne matsalar ta kai mana iya wuya."

Kimanin mutane dubu 350 ne suka shiga cikin zanga-zangar dake zama irin ta farko mafi girma a birninTel Aviv.

Mawallafi: Mohammad Nasiru Awal
Edita: Ahmad Tijani Lawal