Dangi da iyalan 'yan Isra'ila da Hamas ke tsare da su a Gaza kusan shekaru biyu a yanzu sun bukaci gaggauta tsagaita wuta inda suka ce farmakin da sojojin Israila shirin afkawa a Gaza na iya janyo hasarar rayukan yayan nasu.

Suka ce tsawon kwanaki 687 'ya'yansu na tsare a Gaza.

Idan Netanyahu ya amince da wannan bukata zai fara tattaunawa don samun mafita.

A ranar Litinin da ta gabata Hamas ta sanar da cewa ta bai wa masu shiga tsakani a tattaunawar da ake yi martaninta na tsagaita wuta.