A jamhuriyar Nijar harkokin siyasar kasar na tafiya ba tare da jagoran 'yan adawar kasar kuma shugaban jam'iyyar Lumana Afrika, Mallam Hama Amadou ba, wanda aka garzaya da shi wani asibitin kasar Faransa sakamakon rashin lafiyar da yake fama da shi. Da ma Hama Amadou na gidan kaso a Nijar saboda zargin hannu a badakalar cinikin jarirai, zargin da 'yan adawa suka ce siyasa ce kawai.