Tun bayan da babbar kotun birnin Istanbul ta bayar da umarnin kamo mutanen da adadin su ya kai 417, jami'an tsaro suka yi nasarar cafke 216 cikin birane 40 da ke fadin kasar. Ana tuhumar wadanda aka samu da hannu cikin aika kudaden da taimakon kungiyoyin ta'adda.

Sakamakon wani bincike da kasar ta Turkiyya ta gudanar tun a shekara ta 2017, ya bankado kudi kimanin Dalar Amirka miliyan 400, wadanda aka tura bankunan da yawansu yakai dubu 28 a kasashen ketare duk kuwa da cewar kasar ba ta bayyana sunayen mutanen da aka turawa kudaden ba. A farkon wanann shekara ne dai gwamnatin kasar Amirka ta gurfanar da Mehmet Hakan Atilla mataimakin shugaban bankin Halkbank na kasar Turkiyya a gaban kuliya, sakamakon zargin sa da taimakon kasar Iran ketara takunkumin da Amirka ta kakaba mata.