Jami'an tsaron Najeriya sun cafke Sambo Dasuki
December 1, 2015![Nigeria Sicherheitsberater Sambo Dasuki](https://static.dw.com/image/18806874_800.webp)
Talla
Jami'an na DSS dai sun yiwa Col Dasuki daurin talala har na fiye da makwanni uku duk da umarnin da kotu ta bayar kan tafiya zuwa kasashen waje don neman lafiya.
Tun a kwanakin baya ne dai shugaban Najeriya Muhammadu Buhari ya bada umarnin a kame Col Dasuki saboda zargin yana da hannu a badakalar kwangilar sawo makamai a kasar, a inda tsohon shugaban kasar Goodluck Jonathan ya musanta cewa ya bashi izinin bada kwangilar.
Tuni dai Hukumar yaki da cin hanci da rashawa ta EFCC ta kame tsohon minista a ma'aikatar kudi Mallam Bashir Yuguda da ma wasu jami'ai da dama.