Jam'iyyar AfD na samun tagomashi a zaben gabashin Jamus
September 1, 2024![](https://static.dw.com/image/70103726_800.webp)
Talla
Ana kada kuri'a a zaben da ake yi a jihohin Thuringa da Saxony na nan Jamus, zaben kuma da baki 'yan kasashen wajen da ke zaune a can ke fargabar samun nasarar jam'iyyar nan ta AfD ta masu tsananin kishin kasa.
Zaben na yau dai zakaran gwajin dafi na irin karfin da jam'iyyar ta AfD ke da shi a jihohin biyu ganin yadda jam'iyyar ta kara karfi a yankunan.
Dalibai ma da ke karatu a Jamus musamman ma dai johohin da jam'iyyar AfD din ke da rinjaye na nuna fargabar abin da zai biyo baya.
An dai lura da fitowar masu kada kuri'a da dama fiye da zabukan da aka yi a baya a jihohin duka biyu.
Da karfe shida na yammacin yau agogon Jamus ne, wato hudu agogon GMT ne za a rufe rumfunan zabe.