Gwamnatin Jamus ta rage hasashen ci gaban tattalin arzikinta inda ta ce ba zai sami bunkasa ba a 2025 tana mai nuni da tasirin manufofin cinikayya na shugaban Amurka Donald Trump.

Ministan tattalin arzikin Jamus mai barin gado Robert Habeck ya ce yiwuwar samun cigaban kasar mafi karfin tattalin arziki a turai kalilan ne bayan da ta shafe shekaru biyu a jere 2023 da 2024 tana fuskantar koma bayan tattalin arziki.

Jamus dai ita ce kasa daya tilo a cikin kasashe bakwai masu karfin tattalin arziki na duniya G7 wadda tattalin arzikinta ya kasa ci gaba tsawon shekaru biyu, ta na kuma kan hanyar shekara ta uku a 2025 ba tare da cigaban tattalin arzikin ba.

Tattalin arzikin na Jamus ya ragu da 0.3% a 2023 da kuma 0.2% a 2024