Mai shari'a Ursula Mertens da ta bayar da hukuncin ta ce kotu ta samu matashin da laifin kisan mutane biyu a watan Oktobar 2019 a kokarinsa na nuna kyama ga Yahudawa a birnin Halle da ke gabashin Jamus.

Tun a watan Yuli na wannan shekarar matashin ya amsa laifinsa ya kuma ce tun da farko ya shiga wurin ibadar Yahudawa domin ya kashe gabadayan mutane 51 da ke ciki, amma sai ya hadu da tirjiya ya kasa cimma burinsa, ya buge da kisan mutane biyu. 

Hukumomi sun ce za su ci gaba da daukar matakan ladabtar da masu kyamar baki wadanda ke da ra'ayi irin na 'yan Nazi a Jamus.