Ma'aikata kimanin dubu ashirin da biyar da ke aiki a manyan filayen jiragen saman Jamus ake hasashen za su shiga yajin aikin bayan sun kasa cimma daidaito da hukumomi kan batun karin albashi.
Hoto: Michael Probst/AP/picture alliance
Talla
Ma'aikatan da ke aiki a sashen tsaro na manyan filayen jiragen saman Jamus za su tsunduma yajin aikin gama-gari domin neman karin albashi, inda wannan mataki ke kasancewa a fannin tattalin arziki na sufurin jiragen sama a nahiyar Turai.
Filayen Jirgin sama mafi girma a duniya
Filayen jirgin sama na kara bunkasa domin daukar yawan matafiya. China za ta kammala filin jirgin sama mafi girma a duniya nan da shekaru biyu, sai dai sauran kasashe ma na shirin fadada nasu.
Hoto: picture-allianc/dpa/SHG Airport Directorate
Filin jirgin sama mafi girma a duniya
Filin jirgin sama na Beijing-Daxing zai karbi fasinjoji miliyan 100 a kowace shekara idan ya fara aiki sosai. Bayan an bude shi a watan Oktoba na 2019 fasinjoji miliyan 45 ne za su rinka ratsawa ta cikinsa duk shekara. Ginin zai ci kudi Euro miliyan dubu 10
Hoto: Reuters/J. Lee
Filin Jirgin sama mafi tsawo da girma
Tsawon ginin filin jirgin ya kai mita 4,411. Filin jirgin na Daocheng Yading ya maye gurbin tsohon filin jirgi mafi girma na Bangda da ke yankin Tibet mai cin gashin kansa. China dai na hangen bunkasa harkar yawon bude ido a matsayin hanyar rage kaifin adawa a tsakanin ‘yan Tibet.
Hoto: imago/Xinhua
Inda mashahuran mutane ke tashi
…’Yan yawon bude ido da dama da kuma ‘yan kasuwa. Da fasinjoji fiye da miliyan 83, filin jirgin saman Dubai shi ne na uku mafi girma a duniya. Babbar mahada ga kudu maso gabashin Asiya da Indiya da kuma Ostareliya.
Hoto: Reuters/A. Mohammad
Kamfanin Atlanta ya kafa tarihi
Fasinjoji kusan miliyan 104 suka tashi daga nan a 2016. Kafin nan, Atlanta shi ne na farko da ya karbi fasinjoji fiye da miliyan 100 a shekara --wani tarihi a duniya.
Hoto: AP
Filin jirgi lamba 1 a Turai
Filin jirgin sama na Heathrow a London ya karbi fasinjoji sama da miliyan 75 a 2016, shi ne filin jirgi mafi girma a Turai. Filin jirgin na yin cikakken aiki, ana rushe tsoffin tashoshi tare da gina sabbi. Idan aka gina tasha ta shida, yawan fasinjojin zai karu zuwa miliyan 115 a shekara.
Hoto: picture alliance/PA Wire/S. Parsons
Filin jirgi na biyu mafi girma a Turai
Mutane kusan miliyan 66 suka tashi ta wannan tashar a 2016. Wannan ya sa filin jirgin na Charles de Gaulle zama na biyu mafi girma a Turai kuma na tara a duniya.
Hoto: AP
Filin jirgin sama mafi girma a Jamus
…Filin jirgin saman Frankfurt. Fasinjoji kimanin miliyan 60 ke bi ta filin jirgin na Rhein-Main a kowace shekara. Idan aka kwatanta da sauran filayen jiragen sama na duniya shi ne na 13. Ana aikin fadada shi domin kara yawan fasinjojin zuwa miliyan 73
Hoto: Reuters
Dangaraman jirgin kasa na zamani
Filin jirgin sama na Shanghai shi ne na uku mafi girma a China da fasinjoji miliyan 66. Babban filin jirgin da ke Beijin mai daukar fasinjoji miliyan 94 shi ne na biyu mafi girma a duniya. Filin jirgin saman na Shanghai Pudong ya yi suna a duniya saboda jiragensa na kasa na fasinja mai maganadisu da ke daukar fasinjoji zuwa sabon birnin gundumar Pudong.
Hoto: picture-alliance/ZB
Filin jirgi na Berlin, buri mai wuyar cika
Zai kasance mafi kankanta ba kamar sauran ba --- idan ma an kamala shi Kenan. Mutane miliyan 22 za su rika ratsawa ta filin jirgin na Berlin, sai dai an shirya fadada gine-ginensa nan da shekarar 2035 wanda zai kara yawan fasinjoji zuwa miliyan 58. Fata dai shi ne aikin ya tafi cikin tsanaki ba kamar lokutan baya ba.
Hoto: picture alliance/dpa
Filin jirgi mafi karancin amfani a duniya
Filin jirgin sama na St Helena a tsibirin St Helena an kaddamar da shi a watan Mayu 2016 kuma ya fara jigilar fasinjoji a ranar 14 ga watan Oktoba 2017. Mai yiwuwa ba zai taba zama daya daga cikin manyan filayen jiragen sama ba a duniya. Wasu kafofin yada labaru a Birtaniya sun bayyana shi a matsayin filin jirgi mara amfani a duniya.
Hoto: picture-allianc/dpa/SHG Airport Directorate
Hotuna 101 | 10
Kungiyar ma'aikatan ta Verdi ta sanar da cewa mambobinta za su kauracewa aiki a filin zirga-zirgar jiragen sama mafi girma a Jamus da ke Frankfurt da kuma na Berlin babban birnin kasar har ma da wasu filayen jiragen sama guda tara a sassa dabam-dabam na Jamus din.
A wata sanarwa da kungiyar ta fitar ta ce har yanzu ba a samu daidaito ba wajen fitar da matsaya kan karin albashi da hukumomin filayen jiragen saman Jamus, amma abin da suke bukata shi ne karin euro biyu da centi 80 kwatankwacin dalar Amurka uku a duk sa'a guda tare da samar da sauran kayan aikin da za su rage wa ma'aikatan radadin hauhawar farashi da ake fuskanta a kasar.
