Ministan ya kuma kara da cewar ma'aikatar harkokin cikin gidan Jamus ta shirya don fara janye damar zaman gudun hijira ga duk wanda aka samu da yawan zuwa hutu Siriya, duk kuwa da cewar bai bayyana adadin mutane nawa binciken ma'aikatar ya samu da wannan laifi ba.

Mahukuntan Jamus basu da ikon mayar da 'yan gudun hijirar kasar sakamakon rashin tsaro a yankin na gabas ta tsakiya. Sai dai wa'adin haramcin mayar da 'yan gudun hijirar zai kare a karshen shekarar bana kodayake akwai damar karin lokaci.