A sakon da ya wallafa a shafinsa na twitter, Lindner ya ce ya zama wajibi a kawo karshen annobar corona da kuma karfafa matakan kare muhalli.

A matsayinsa na ministan kudi, ya na fatan ganawarsa da suran ministocin kudi da kuma gwamnonin manyan bakunan kasashe ta samar da daidaito a batun sauyin yanayi ba a Jamus kadai ba, har tsakanin kasashen kungiyar ta G7.

A ranar 1 ga watan Janairun nan ta shekarar 2022 ce Jamus ta karbi jagorancin karba-karba na kungiyar kasashe masu karfin tattalin arziki na duniya wato G7.