Wannan dai shi ne martanin farko na shugabar gwamnatin kan sakamakon zaben Amirkar bayan sakon taya murna da ta aike wa zababben shugaban kasar Joe Biden da mataimakiyarsa Kamala Harris a karshen mako.

Dangantaka tsakanin kasashen biyu dai ta yi tsami a shekaru hudu na mulkin shugaba Donald Trump. A wani matakin da ake ganin na kuntatawa ga Jamus game da kason gudunmawar kudi ta fuskar tsaro, shugaba Trump ya janye dubban sojin Amirka a sansanonin Jamus, sai dai kuma za a sa ido a gani ko Biden zai sauya matakin.
 

Merkel da sauran shugabannin Jamus na fatan inganta tuntubar juna da karfafa hadin gwiwa da Washington karkashin gwamnatin Biden.