Shugabar gwamnatin Jamus Angela Merkel ta ce za ta janye matakin farko da gwamnati ta dauka, na tsauarara dokar sake kulle kasar a lokacin hutun bikin Easter saboda yaki da annobar corona. Shugabar ta ce akwai kuskure a matakan saboda ba za su yiwu ba a zahiri.

Dama dai Jamus na shirin sake kulle shaguna da takaita haduwar jama'a daga ranar 1 ga watan Afirilu zuwa 5. Sai dai shugabannin masana'antu da 'yan kasuwa sun ce dokar ya bar su cikin duhu na sanin hakikanin abin da dokar ke nufi.