Jami'an gwamnatin kasar Jamus sun yi kira da a waiwayi dokokin mallakan bindiga, wannan bukata dai na zuwa ne bayan harin da wani matashi mai shekaru 18 ya kai a rukunin kantuna a birnin Munich ranar jumma'ar da ta gabata wanda yayi sanadiyar mutuwar mutum 9 nan take hada shi maharin 10. Mataimakin shugabar gwamnatin Jamus Sigma Gabriel, ya ce ya zama wajibi a tsaurara doka da zai takaita mallakar bindigogi da ma sauran muggan mukamai.

Hukumin tsaro suna zurfafa bincike dan gano yadda maharin mai fasfon kasashen Iran da Jamus ya mallaki samfurin wata bindiga mai tsawon milimita 9 dauke da da harsahi 17 da aka samu a dakinsa. Bayanai dai na kara bayyana cewa maharin ya dau tsawon shekara guda ya na shirya wannan harin.