Gwamnatin Jamus ta rage tallafin da take bai wa kungiyoyin da ke aikin ceto bakin haure a Tekun Bahar Rum, sakamakon sauyin da aka samu a manufofinta na siyasa.
Bakin haure dai, kan kasada da rayuwarsu wajen shigowa Turai ta haramtacciyar hanyaHoto: Laurin Schmid/Anadolu Agency/picture alliance
Talla
Matakin da gwamnatin Tarayyar Jamus ta dauka na daina bayar da tallafin kudi domin ceto bakin haure a Tekun Bahar Rum din dai, ya haifar da cece-kuce a kasar. Kungiyoyi da cibiyoyi da suka yi fice a fannin ceto a teku irin su Sea-Eye da SOS Humanity da SOS Méditerranée da RESQSHIP da Sant'Egidio, sun samu tallafin Euro miliyan biyu a 2023 da 2024 baya ga kusan Euro dubu 900 da suka samu a watannin ukun farko na wannan shekara ta 2025 da muke ciki.
Sai dai a halin yanzu, babu wani karin kudi da Berlin ta shirya sake ba su duk da bukatar da ke akwai. Ministan harkokin wajen Jamus Johann Wadephul da ya sha sukar matakin ceto fararen hula a Tekun Bahar Rum, ya kare matsayinsa na canjin manufa a karkashin sabuwar gwamnati. Amma ya ce Jamus za ta ci gaba da tausayin mummunan halin da dan Adam zai samu kansa a ciki, ba tare da zuba kudi da nufin ceto wadanda suke neman shiga Turai ta barauniyar hanya ba.
Ceto wadanda ke cikin mawuyacin hali
A shekarar da ta gabata an ceto bakin haure da dama daga halaka a kokarinsu na shiga nahiyar Turai ta tekun Bahar Rum. Jirage ruwa na hukumomi da na masu yin sana'ar su ne ke shigewa gaba wajen yin wannan aikin ceton.
Hoto: OOC Opielok Offshore Carriers
Gab da kaiwa tudun mun tsira
Wannan jirgin ruwan na dab da kai 'yan cirani tudun mun tsira, wannan shi ne daidai abinda 'yan ciranin ke fassarawa da "Jaguar" a cikin teku. Irin wadannan jiragen ruwan da ba na hukuma ba kan kai kaya na tonon mai ne a teku.
Hoto: OOC Opielok Offshore Carriers
Masu aikin cetoi da ke zaman kan su
Ana kara samun bukata ta ceton 'yan cirani da jiragen ruwa da ke sintiri irin na Amirka mai suna "Jaguar". To sai dai a nan Turai akwai karancin irin wadannan jirage musamman ma ga shirin na "Triton" da ke nema da ceton bakin haure a kan tekun Bahar Rum, sai dai aikin wannan shiri ba ya gota kilmoita 56 daga gabar ruwan Italiya.
Hoto: OOC Opielok Offshore Carriers
Rashin samun kariya a Teku
Daga watan Disamba da ya gabata zuwa yanzu an ceci 'yan cirani 1,500 daga jirginsu da ke kokarin nutsewa sau biyu kuma wani kamfanin Jamus da ke samar da abin tonon mai na cikin ruwa mai suna Christopher Opielok ne ya yi hakan, sai dai sauarn jiragen ruwa neman ceto ba su samu yin hakan ba.
Hoto: OOC Opielok Offshore Carriers
Bada tallafin da ba zai je ko ina ba
Jirgin da ke jigilar kaya na aikin tonon mai daga kasar Malta zuwa Libya yanzu haka kan yi tanadin kayan abinci da barguna da magunguna da nufin bada shi tallafi ga 'yan cirani.
Hoto: OOC Opielok Offshore Carriers
Rashin tabbacin rayuwa bayan ceto
Duk da cewar jirgin ruwa kamar "Jaguar" na kasar Amirka kan ceci 'yan cirani daga halaka a teku, hakan ba ya na nufin sun tsira ba ne domin tsananin sanyi kan hallaka wasunsu 'yan mituna da cetonsu kamar yadda Opielek ya nunar. Galibi bayan ceto a kan kidaya wadanda ke da sauran shan ruwa nan gaba.
Hoto: OOC Opielok Offshore Carriers
Tallafa wa jiragen da ke daf da kifewa
Matuka jiragen ruwa musamman wadanda ba na gwamnati ba kan taimaka wa jiragen 'yan cirani da ke cikin yanayi na bukata ko kuma suka kama hanyar kifewa. Hakan kan wakana ne a hanyoyin da ake bi don kai kayayyaki gabar ruwan Libya.
Hoto: OOC Opielok Offshore Carriers
Daukar tsawon lokaci kafin aikin ceto
Kamar yadda ake gani a wannan hoton, 'yan cirani na yin iyo don kaiwa gabar kogi sakamakon kifewar jirginsu. Jirgin nan na "Jaguar" kan taimaka wajen ceto mutane kana ya sanar da masu sintiri na gabar ruwan Italiya. Mafi akasari a kan dau tsawon sa'o'i 24 kafin jami'an na Italiya su kai ga yin aikin ceto.
Hoto: OOC Opielok Offshore Carriers
Hotuna 71 | 7
Daruruwan mutane ne suka mutu a tekun Bahar Rum a bana kamar yadda alkalumman baya-bayan nan suka nunar, inda Hukumar Kula da Hijira ta Kasa da Kasa (IOM) ta ce mutane 748 ne suka mutu ko suka bace. Hasali ma dai, ana daukar ratsa Tekun Bahar Rum da jirgin ruwa ko kwale-kwale da nufin shiga nahiyar Turai a matsayin hanyar gudun hijira mafi muni a duniya. Fiye da mutane dubu 32 ne suka mutu ko kuma suka bace, tun daga shekara ta 2014 kawo yanzu. Kakakin kungiyar agaji ta SOS Humanity Marie Michel ta shaida wa DW cewa, matakin Jamus na katse tallafin ceto a teku zai iya mayar da hannun agogo baya.
Kungiyar mai zaman kanta SOS Humanity da ke da cibiya a birnin Berlin, ta kwashe shekaru 10 tana shirya ayyukan ceto a Tekun na Bahar Rum. Bisa ga alkalumanta dai, ta yi nasarar ceto mutane sama da dubu 38. Saboda haka ne rage tallafin Jamus zai zama koma baya na kudi ga kungiyar SOS Humanity, in ji Marie Michel. Sai dai duk da rage tallafin ceto bakin haure a teku, Jamus ta sha alwashin kara himma a ayyukanta na jin-kai a wurare da kasashen da ke da bukatu da yawa kamar Sudan da Sudan ta Kudu.
