Dandanzo jamaa sun cika tituna da wuraren ibadar 'yan Shi'a da keNajaf, a  Iraki, domin rakiyar jana'izar Jagoran Addini na Iran Ali Khamenei, kafin a bizne shi a mahaifarsa.

A birnin na Najaf,dake a  kudancin Iraki, inda gawar  Ayatollah ta iso da jirgin sama a ranar Talata da yamma, an yi wa titunan  ado da manyan hotunan Ayatollah a wannan rana da aka ayyana a matsayin ranar hutu.

Bayan Najaf, an mayar da akwatin gawar Ali Khamenei zuwa  Karbala a arewa, zuwa wuraren ibada na Imam Hussein da ɗan'uwansa Abbas.

Za a bizne gawarsa a gobe Alhamis a Mashhad, mahaifar Ali Khamenei da ke arewa maso gabashin Iran.