Jirgin sama ya kama da wuta a Moscow
May 5, 2019![Russland l Brennendes Flugzeug von Aeroflot muss in Moskau notlanden](https://static.dw.com/image/48610215_800.webp)
Talla
Matukin jirgin ya karkata akalar jirgin cikin gaggawa zuwa filin saukar jirage da ke Moscow bayan da wani fasinja ya sanar da ma'aikatan jirgin ya ga wuta na ci a wani bangare na jirgin.
Kafofin watsa labaran kasar Rasha sun wallafa hotunan yadda wuta ya kama jirgin tare da tirnikewar hayaki, sai dai babu karin bayani a hukumance nan take kan musabbabin da ya sa jirgin ya kama da wuta, amma hukumomin kula da sufurin jiragen sama na kasar Rasha na ci gaba da binciken lamarin bayan da jirgin ya yi saukar ba shiri ba tsammani. Ana kuma kula da wadan da suka jikkata.