A wani sakonsa na shafin Twitter shugaba Roch Marc Christian Kaboré  ya sha alwashin ci gaba da dorewar tsaro a yankin mai tazarar kilo mita 200 daga arewacin babban birnin kasar Ouagadougou, tare da cewa yankin zai ci gaba da kasancewa karkashin ikon gwamnati duk da barazanar da 'yan ta'adda ta ganin sun dagula al'amura.

Ya zuwa yanzu dai al'ummomin kananan hukumomin yankin tare ne aka ce sun kauracewa gidajensu sakamakon matsin lambar mayakan jihadi da ke kai hari babu kakkautawa.