Shekara guda matashi Hamza Yunusa mai shekaru 29 tare da wani abokinsa suka kwashe suna kokarin kirkiro wannan na'ura. Burin su Hamza dai shi ne gwamnatocin jihohi su yi amfani da wannan mita wurin kayyade adadin ruwan famfo da magidanta ke sha, ma'ana dai na'urar na aiki kamar yadda mitar lantarki ta ke aiki. Hamza dai ya tabbatar da cewar sun sayi dukkanin kayayyakin hada na'urar a cikin Najeriya kuma bisa bincikensu a duk fadin kasashen Afirka babu wata kasa da a yanzu take amfani da irin na'ura mai kayyade ruwan fanfo.