Mataimakiyar shugaban kasar Amurka kana 'yar takarar shugaban kasa a jam'iyyar Democrats mai mulki Kamala Harris ta bayyana hakan ne, sakamakon kona tutocin Amurkan da masu zanga-zangar nuna goyon bayan Falasdinawana suka yi gabanin ziyarar firaministan Isra'ila Benjamin Netanyahu. Ana dai sa ran Firaminista Netanyahu na Isra'ilan zai kai ziyarar da aka jima ana dako zuwa fadar gwamnatin Amurka ta White House, inda zai gana da shugaban kasar Amurkan Joe Biden kana ana sa ran zai gana da 'yar takarar shugaban kasar ta jam'iyyar Democratic kana mataimakiyar shugaban kasa Kamala Harris yayin ganawar da ke da muhimmanci ga 'yan siyasar uku.