1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Karfin soji ba zai magance rikicin Iran ba-Tehran

Binta Aliyu Zurmi
October 5, 2026

Ministan Harkokin Wajen Iran, Abbas Araghchi ya bayyana cewa amfani da karfin soji ba shi ne mafita ga rikicin da ke tsakanin Amirka da Iran ba, duk da cewa tattaunawar warware rikicin ta tsaya cak.

USA New York 2026 | Irans Außenminister Abbas Araghtschi bei der UN-Generalversammlung
Hoto: Michael Kappeler/dpa/picture alliance

Da yake jawabi a wani taron jakadun kasashen waje, Araghchi ya ce idan abokan gaban Iran suka sake zabar hanyar fafatawa ta soji, Tehran za ta mayar da martani da karfi fiye da na da.

Ya jaddada cewa ko yakin ko kuma sabbin takunkumai ba za su iya magance rikicin ba, inda ya bayyana cewa hanya mafita daya ita ce ta diplomasiyya bisa adalci.

A gefe guda kuma hukumar tsaron ruwa ta Birtaniya UKMTO ta bayar da rahoton cewa wani jirgin dakon mai a mashigin ruwa na Hormuz ya gamu da bugun wani abu da ba a san ko menene ba, lamarin da ya haifar da lalacewar wani bangare na injin jirgin.

UKMTO ta bayyana cewa ma'aikatan jirgin suna cikin koshin lafiya kuma ba a samu rahoton wata illa ga muhalli ba.

Ba ta bayar da cikakkun bayanai game da ranar da lamarin ya faru ba, ko kuma inda jirgin ya taso ko inda ya nufa.

Karin Bayani: Iran ta sanya sharudda bakwai na bude mashigin Hormuz

Tsallake zuwa bangare na gaba Babban labarin DW

Babban labarin DW

Tsallake zuwa bangare na gaba Karin labarai daga DW