Wasu bakin haure kimanin goma da suka fito daga kasashen Kudu da hamadar Sahara sun mutu bayan da jirgin ruwansu ya nutse a tekun ruwan Tunisiya, jirgin na kan hanyarsa ta zuwa mashigin ruwan Italiya a lokacin da nutse. Majalisar Dinkin Duniya a na ta bangaren, ta ce, watan Janairu zuwa Maris na wannan shekarar ta 2023, sun kasance watanni mafi muni da aka samu karuwar kwararan bakin haure da kuma mutuwarsu a cikin teku, bakin haure kimanin dari hudu da arba'in da daya aka tabbatar sun rasa rayukansu a yayin yunkurin shiga Turai ta barauniyar hanya da zummar nemawa kansu rayuwa mai inganci in ji majalisar.