Rahotan ya ce akalla mutane 1,146 suka salwanta daga watan Janairu zuwa Yunin wannan shekarar da muke ciki ta 2021 a tekun na Mediterranean, wadanda galibinsu suka hada da mata da yara kanana.

Da ma dai kungiyoyin bayar da agajin gaggawa da dama sun sha yin gargadin cewa, karanci kayan aikin ceto ka iya jefa masu keta tekun ta barauniyar hanya cikin hatsari a daidai lokacin da gwamnatocin kasashen Turai suka dogara kan kasashen arewacin Afirka.