Shugabanin Thailand da kuma Kambodiya sun sanya hannu kan wata yarjejeniyar tsagaita wuta bisa jagorancin shugaban Amurka, Donald Trump, wanda ya shiga tsakani a watan Yulin wannan shekarar domin kawo karshen rikicin kan iyaka na kwanaki biyar da ya barke tsakanin kasashen. An dai sanya hannu kan yarjejeniyar bayan da shugaba Trump ya isa taron koli na kungiyar kasashen kudu maso gabashin Asiya a Kuala Lumpur.

Karin bayani: Thailand da Cambodiya sun zargi juna da karya yarjejeniyar tsagaita wuta

Hakan dai ya ginu ne kan yarjejeniyar da aka cimma watanni uku da suka gabata, bayan Shugaba Trump ya bukaci shugabannin kasashen biyu a wancan lokacin su kawo karshen rikicin ko kuma su yi kasadar dakatar da tattaunawar kasuwancin kasashensu da gwamnatin Washignton.