Kwana guda bayan Hamas ta shelanta amincewarta da daftarin yarjejeniyar kawo karshen yaki a Gaza da sakin illahirin wadanda take garkuwa da su, Isra'ila ta mai da martani da shelanta fara aiwatar da shirin mamaye Zirin.
Ministan tsaron Isra'ila Israel KatzHoto: Hannes P Albert/dpa/picture alliance
Talla
Ministan tsaron Isra'ilan Israel Katz ne ya sanar da hakan ga dandazon sojoji, alokacin da yake ziyara a barikin soja na birnin Haifa. A cewarsa har yanzu tsugune ba ta kare wa dakarun sojojin na Isra'ila da ke yaki da abun da ya siffanta shi da bakin ta'addacin Hamas ba. Ministan ya sanar da shirin samar da tuddan tsira a cikin kwaryar Zirin na Gaza da zaratan mayakan Falasdinawa masu dauke da makamai ke jan daga, domin bai wa fararen hula kariya. Kafin hakan dai, firaminista Isra'ila Benjamin Natenyahu ya samu sahalewa daga majalisar dokoki kan mamaye illahirin Zirin Gaza, domin ya zama wani jigo na dorewar tsaron Tel Aviv.
Gaza: Idan kida na tashi, sai a manta da yanayin yaki
A cikin buraguzan gine-ginen Zirin Gaza, matasan makada na rike da jita da sauran kayan kida. Suna samar da yanayi na fata da martaba, a daidai lokacin da ake fama da yunwa da rashi da kuma cutar tsananin firgici.
Hoto: Dawoud Abu Alkas/REUTERS
Hada hannu waje guda, domin yakar firgici
Kwalejin Gaza, makaranta a birnin Gaza. Harsashi ya farfasa bangon gine-ginen gidaje, yayin da tagogi suka tarwatse. A nan yara mata uku tare da namiji guda na zaune suna koyon kada jita, tare da malaminsu Mohammed Abu Mahadi. Malaminsu ya yi imanin kida zai taimaki lafiyar kwakwalen mazauna Zirin Gaza, daga firgicin tashin bama-bamai da zafin ciwuka da yunwa da rashin 'yanci.
Hoto: Dawoud Abu Alkas/REUTERS
Ci gaba da koyarwa
A farkon shekara ta 2024, Ahmed Abu Amsha malami ne da ke koyar da kidan jita da sauran kayan kida, ya kasance guda daga cikin malaman farko cikin malamai da daliban makarantar koyon kida ta Edward Said National Conservatory of Music da suka fara bayar da darasin koyon kida a yankin kudancin Gaza da yaki ya dai-daita. A yanzu ya sake komawa yankin arewacin birnin Gaza da zama.
Hoto: Dawoud Abu Alkas/REUTERS
'Kida na sanya mini kyakkyawan fata'
"Kida na sanya mini kyakkyawan fata da rage min firgici," a cewar Rifan al-Qassas mai shekaru 15 a duniya da ta fara koyon kidan (oud) wato jita ta gargajiya ta Larabawa tun tana shekaru tara. Al-Qassas na fatan kada jitarta a kasar waje. Al'umma na cikin fargabar kora daga Gaza, saboda matakin majalisar zartaswar Isra'ila na ranar takwas ga watan Agustan 2025 na kwace iko da yankin Zirin Gaza.
Hoto: Dawoud Abu Alkas/REUTERS
A cikin mafi munin yanayi
A gaban tantin malaman da ke koyar da kidan, akwai baraguzan gine-gine da suka rushe a birnin Gaza. Kusan gaba dayan al'ummar yankin na cikin tantunan gaggawa ne. Akwai karancin abinci da tsabtataccen ruwan sha da magunguna. Dalibai da malamansu na ba su da karsashi saboda yunwa. Wasunsu da kyar suke samun damar zuwa azuzuwansu.
Hoto: Dawoud Abu Alkas/REUTERS
Wani abu mai kyau da zai sassauta radadin mutuwa da wahalhalu
Bafalasdine Youssef Saad tsaye tare da jitarsa, a jikin ginin makarantar da yaki ya tarwatsa. Kayan kida kalilan ne suka tsira a rikicin. Tuni Youssef da ke da shekaru 18 a duniya, ke da babban fata: "Ina fatan zan iya koyar da yara kida, ta yadda za su ga haske duk da yanayin yaki."
Hoto: Dawoud Abu Alkas/REUTERS
Lokacin nuna basira
Duk mummunan yanayin da ake ciki, koyon kada kayan kade-kade na samun halartar 'yan kallo. Cikin tanti, daliban da ke koyon kidan na nuna kwarewarsu, yayin da 'yan kallo ke tafa musu. Kayan kidan na tashi, inda suke cimma dogon zango yayin da aka kada su. Mai shekaru 20 da ke koyon kidan jita ya bayyana cewa: "Ina son sanin sababbin salon kade-kade, musamman mai karfi, ina son kida mai amo.
Hoto: Dawoud Abu Alkas/REUTERS
Lokacin farin ciki
Waka ma na taka muhimmiyar rawa. Yadda muryoyin yaran ke tashi na da dadin sauraro, sabanin karar abubuwa masu fashewa da bama-bamai da ke yin kisa da al'ummar yankin Zirin Gaza suka saba ji yau da kullum.
Hoto: Dawoud Abu Alkas/REUTERS
Kida domin magance ciwo
Osama Jahjouh na busa sarewa da ake amfani da ita a kade-kaden Larabawa da Iraniyawa da kuma Turkawa. ya ce: "Wasu lokutan ina dogaro da salon horon numfashi ko kuma in zauna shuru ina busawa, idan karar habe-harbe da tashin bama-bamai suka yawaita. Idan ina yin busa, ina jin kamar zan iya sake yin numfashi, kamar sarewar na magance min ciwon da nake ji a cikin jikina."
Hoto: Dawoud Abu Alkas/REUTERS
Hotuna 81 | 8
Tuni dai kungiyar Hamas ta yi tir da sabon nhirin mamayar, tana mai jaddada aniyarta ta ci gaba da yin fito na fito kamar yadda shugaban kungiyar ta Hamas a ketare Usama Hamdan ya nunar. A nata bangarena, kasar Masar da ke makwabtaka da Zirin Gaza a iyakarta da jihar Sinai, ta sanar da jibge dakarun sojanta dubu 40 a iyakarta da Gaza domin kandagarkin abun da zai kai ya komo. A watan da ya gabata dai, shugaban Masar Abdulfattah al-Sisi ya siffanta yunkurin Isra'ila na korar Falasdinawan Gaza zuwa cikin kasarsa da wani jan layi da keta shi zai kawo karshen yarjejeniyar zaman lafiyar da suka cimma da Isra'ila tun shekarar 1975 bayan yakin kare jini biri jinin da kasashen biyu suka gwabza da har Masar din ta 'yanta yankunanta da Isra'ila ta mamaye a shekarar 1967.
