Kasashen Rasha da Saudiyya sun amince da sabuwar dokar rage yawan man da suke fitarwa zuwa kasuwannin duniya, sun dai yi hakan ne don amsa kiran Kungiyar kasashe masu arzikin man fetur ta OPEC da ta shawarci a yi hakan saboda faduwar da farashin na man fetur yi a taron da ta kira a wannan Lahadin a birnin Vienna na kasar Austria.

Mambobin kungiyar 13 da wakilan Rasha da ke kawance da kungiyar ne suka gana a kokarin shawo kan matsalar, al'amarin da ya janyo karancin bukatar man a kasashe da dama saboda tabarbarewar tattalin arzikinsu.