Wata majiyar tsaron kasar ta sanar da cewa dan harin kunar bakin waken ya tayar da bama-baman da ke jikinsa ne a wani Masallaci da Musulmi mabiya Shi'a ke taruwa domin karawa mayakan sa kai Kaimi a yakin da suke yi da 'yan kungiyar IS. Dama dai an saba fafatawa tsakanin 'yan ta'addan IS din da dakarun gwamnatin Iraki a birnin na Baiji cikin 'yan makwannin nan tare kuma da fuskantar hare-haren kunar bakin wake akai-akai daga mayakan na IS.