Koriya ta Arewa ta mika wa Amirka gawarwakin sojojinta
July 27, 2018![USA Ankunft der toten US-Soldaten aus dem Niger](https://static.dw.com/image/41099040_800.webp)
Talla
Fadar White House ce ta tura wani jirgin sojojin kasar don kwaso wadannan gawarwakin bayan da Koriya ta cika alkawarin da ta dauka na mayar da gawarwakin a ganawar da shugaba Kim Jong Un ya yi da takwaransa Donald Trump a watan Yunin da ya gabata.
Shekaru fiye da goma Amirka ta kwashe ta neman a dawo mata da gawarwakin ba tare da samun nasara ba, a sakamakon sabanin da ke a tsakaninta da Koriya ta Arewa bisa shirin ta na nukiliya. An kiyasta cewa, sojojin Amirka dubu bakwai da dari bakwai ne suka bace a yayin yakin Koriya a tsakanin shekarar 1950-53.