Babban sakataran Majalisar Ɗinkin Duniya Ban Ki Moon a cikin wata sanarwa da kakakinsa ya baiyana, ya ce wannan gwaje gwaje sun saɓama dokokin kwamitin sulhu na MDD.Shugaba Barack Obama na Amirka ya sanar da cewar yunƙurin tsokana ce, kana kuma barazana ga Amirka da kuma yankin baki ɗaya.

Ministan harkokin waje na ƙasar Rasha Sergei Lavrov ya ce sun gargaɗi Koriya da ta yi watsi da shirinta tare da mutunta dokokin MDD.Yayin da ƙasar China ta yi kira ga ƙawarta da ta bi ummarnin dokokin ƙasa da ƙasa tare da gayatar jakadin Koriya ta Arewa domin ba da baiyani.Nan gaba kuma a ka shirya kwamitin sulhu na MDD zai yi wani zama na musammun domin ɗaukar matakan ladabtarwa a kan Koriya ta Arewa, wacce tuni ta sanar da cewar baza ta fasa yin gwaje gwajen ba.

Mawallafi : Abdourahamane Hassane
Edita : Mohammed Awal Balarabe