Ma'aikatar tsaron kasar Koriya ta Kudu ne ta bayyana wannan mataki inda ta ce makamin da aka kerashi a kasar Jamus, zai cimma nisan zango da ya kai Kilomita 500 kuma an kera makamin da wasu sinadarai da zai kareshi daga dukkanin abin da zai hanashi cimma wurin sauka a yankunan abokan hamayya.

Koriya ta Kudu dai ta nade kafar wando na lalubo sabbin dabarun inganta karfin sojojinta, a matsayin kare kai daga barazanar makaman kare dangi daga makociyar ta Koriya ta Arewa.