Wata kotun kasar Faransa ta wanke tsohon shugaban hukumar ba da lamuni ta duniya, IMF, Dominique Strauss-Kahn bisa zargin da aka yi masa da halartar bukuwa da aka gayyaci mata masu zaman kansu.

Masanin tattalin arzikin dan shekaru 66 da haihuwa ya girgiza kai domin nuna ya amince da hukuncin, bayan da masu gabatar da suka ce babu shaidar da ake bukata wajen ci gaba da shari'ar. A shekara ta 2011 Strauss-Kahn ya rasa mukamunsa lokacin da aka yi zargin ya yi yunkurin lalata da mai aiki a wani otel da ke birnin New York na kasar Amirka. Dominique Strauss-Kahn ya jagoarnci hukumar ta IMF daga shekara ta 2007 zuwa 2011.