Daga cikin wadanda kasar ta jima tana zargi da yunkurin juyin mulkin har da malamin addinin Islama Fethullah Gülen wanda har yanzu yake zaune a kasar Amirka da kuma tsohon shugaban sojin saman kasar Akin Oztuk da Mehmet Disli 'dan uwan tsohon dan majalisa a jam'iyya mai mulkin kasar. Iyalan wadanada suka rasa rayukansu yayin yaunkurin hambarar da gwamnatin Erdogan sun kasance cikin alhani a lokacin da Alkali ya sanar da yanke wannan hukunci daurin rai da rai ga wadanda aka samu da laifi. An dai fara shari'ar wadannan mutane tun a shekara ta 2017 a kotun da ke gidan yarin Sincan da ke babban birnin kasar.