An dai fara shari'a da Saraki watanni shida da darewarsa kujerar shugabancin majalisar, kafin daga bisani aka kwashe sama da shekara guda ana shari'ar a Kotun da'ar ma'aikatar kasar.

Alkalin kotun mai shari'a Danladi Umar, ya bayyana cewa lauyoyin gwamnatin Najeriya da ke tuhumar wanda aka zarga a shari'ar, sun gaza gamsar da kwararan hujjoji da zai tabbatar da zargin laifin da ake wa Saraki.

A ranar 4 ga wannan watan Yunin ne, shugaban majalisar dattawan Najeriyar ya shigar da karar da ke bukatar wanke shi daga laifin da ake tuhumarsa akai.