Shugaban gwamnatin Jamus Friedrich Merz na fuskantar kakkausan martani, dangane da kalamansa da ya alakanta matsalolin da ake samu a manyan biranen kasar da yawaitar 'yan gudun hijira.
Shugaban gwamnatin Jamus Friedrich MerzHoto: dts Nachrichtenagentur/IMAGO
Talla
Tuni masu suka, suka fara ayyana shugaban gwamnatin ta Jamus Friedrich Merz da wanda ke karkata ga bangaren masu tsattsauran ra'ayin kyamar baki da kishin kasa. "Akwai matsaloli a kan yanayin yadda tsarin biranenmu yake, ku tambayi yaranku mata." A cewar Merz. Wadannan kalaman na shugaban gwamnatin Jamus, sun janyo cece-kuce.
Rabin al'ummar birnin na da alaka da baki
Ceto wadanda ke cikin mawuyacin hali
A shekarar da ta gabata an ceto bakin haure da dama daga halaka a kokarinsu na shiga nahiyar Turai ta tekun Bahar Rum. Jirage ruwa na hukumomi da na masu yin sana'ar su ne ke shigewa gaba wajen yin wannan aikin ceton.
Hoto: OOC Opielok Offshore Carriers
Gab da kaiwa tudun mun tsira
Wannan jirgin ruwan na dab da kai 'yan cirani tudun mun tsira, wannan shi ne daidai abinda 'yan ciranin ke fassarawa da "Jaguar" a cikin teku. Irin wadannan jiragen ruwan da ba na hukuma ba kan kai kaya na tonon mai ne a teku.
Hoto: OOC Opielok Offshore Carriers
Masu aikin cetoi da ke zaman kan su
Ana kara samun bukata ta ceton 'yan cirani da jiragen ruwa da ke sintiri irin na Amirka mai suna "Jaguar". To sai dai a nan Turai akwai karancin irin wadannan jirage musamman ma ga shirin na "Triton" da ke nema da ceton bakin haure a kan tekun Bahar Rum, sai dai aikin wannan shiri ba ya gota kilmoita 56 daga gabar ruwan Italiya.
Hoto: OOC Opielok Offshore Carriers
Rashin samun kariya a Teku
Daga watan Disamba da ya gabata zuwa yanzu an ceci 'yan cirani 1,500 daga jirginsu da ke kokarin nutsewa sau biyu kuma wani kamfanin Jamus da ke samar da abin tonon mai na cikin ruwa mai suna Christopher Opielok ne ya yi hakan, sai dai sauarn jiragen ruwa neman ceto ba su samu yin hakan ba.
Hoto: OOC Opielok Offshore Carriers
Bada tallafin da ba zai je ko ina ba
Jirgin da ke jigilar kaya na aikin tonon mai daga kasar Malta zuwa Libya yanzu haka kan yi tanadin kayan abinci da barguna da magunguna da nufin bada shi tallafi ga 'yan cirani.
Hoto: OOC Opielok Offshore Carriers
Rashin tabbacin rayuwa bayan ceto
Duk da cewar jirgin ruwa kamar "Jaguar" na kasar Amirka kan ceci 'yan cirani daga halaka a teku, hakan ba ya na nufin sun tsira ba ne domin tsananin sanyi kan hallaka wasunsu 'yan mituna da cetonsu kamar yadda Opielek ya nunar. Galibi bayan ceto a kan kidaya wadanda ke da sauran shan ruwa nan gaba.
Hoto: OOC Opielok Offshore Carriers
Tallafa wa jiragen da ke daf da kifewa
Matuka jiragen ruwa musamman wadanda ba na gwamnati ba kan taimaka wa jiragen 'yan cirani da ke cikin yanayi na bukata ko kuma suka kama hanyar kifewa. Hakan kan wakana ne a hanyoyin da ake bi don kai kayayyaki gabar ruwan Libya.
Hoto: OOC Opielok Offshore Carriers
Daukar tsawon lokaci kafin aikin ceto
Kamar yadda ake gani a wannan hoton, 'yan cirani na yin iyo don kaiwa gabar kogi sakamakon kifewar jirginsu. Jirgin nan na "Jaguar" kan taimaka wajen ceto mutane kana ya sanar da masu sintiri na gabar ruwan Italiya. Mafi akasari a kan dau tsawon sa'o'i 24 kafin jami'an na Italiya su kai ga yin aikin ceto.
Hoto: OOC Opielok Offshore Carriers
Hotuna 71 | 7
Ga misali birnin Nürnberg na dauke da yawan al'umma dubu 500, kuma kaso 50 cikin 100 na da nasaba da baki. Daga cikinsu akwai Nasser Ahmed da ke son zama magajin garin birnin na gaba. Ya bayyana takaicinsa kan kalaman na Merz yana mai cewa: "Kalaman kan yadda tsarin biranenmu yake, watsa kasa a ido ne ga miliyoyin mutane da suka sake gina kasar daga tushe bayan yakin duniya na biyu........ A ganina, ya kamata Merz ya nemi afuwa."
Sai dai yayin da Ahmed ke ganin ya kamata Merz ya nemi afuwa saboda alakanta rashin tsaro da kwararar baki, kuri'ar jin ra'ayin jama'a ta nuna mutane da dama sun yadda da shugaban gwamnatin. A ganinsu bakin hauren da ba su da takardu ne matsalar, sai dai duk da haka wasu na ganin ana wuce gona da iri wajen yadda ake bayyana ta.
DW ta ziyarci wasu yankunan Italiya da 'yan daba ke aika-aikar tilasta wa mata karuwanci
03:28
This browser does not support the video element.
Wadannan kalamai sun dan taka rawa wajen kara karfi ga jam'iyyar AfD ta masu tsattsauran ra'ayin kyamar baki da kishin kasa, inda a yanzu suke samun nasara a zabukan kasar. Da yake tofa albarkacin bakinsa kan wannan batu, shugaban bangaren jam'iyyar CDU a majalisar dokoki Jens Spahn ya nunar da cewa: "Muna da jam'iyyar da ke da mutane da dama masu rike da mukumai a cikinta da ke goyon bayan Vladmir Putin da Rasha da masu kyamar Yahudawa da kuma masu kyamar baki............ Hanyar da ta fi dacewa a ba su tabbacin akwai batun magance matsala, guda cikinsu ita ce batun 'yan gudun hijira."
Mafita ko matsala?
Sai dai masu gangamin yaki da tsattsauran ra'ayin kyamar baki kamar Stephan Doll na kungiyar Hadaka da ke Fafutukar Yaki da Tsattsauran Ra'yin Kyamar Baki da Kishin Kasa, na gargadin cewa wannan matakin na kama da abu mai kyau amma kuma yana iya yin mummunar illa. A nasa bangaren, Nasser Ahmed na fatan kalamansa na samun tsaftatacciyar siyasa za su taimaka masa yayin da al'ummar Bavaria suka fita kada kuri'unsu a watan Maris din shekarar da ke tafe ta 2026.
