An bayyana ranar 14 ga watan da ke tafe a matsayin na bude manyan jami'o'in jihar da ke Najeriya da sauran makarantun da ake koyar da ilimi mai zurfi, hukumomin jihar sun kuma ayyana ranar 21 ga watan na gobe a matsayin ranar da makarantun firamarai da sakandarai za su sake budewa a matsayin gwaji.

A baya daliban manya-manyan makarantun Najeriya sun gudanar da zanga-zanga don yin kakkausar suka game da matakin gwamnati na ci gaba da kulle makarantun bokon kasar saboda Coronavirus.

Gwamnatin kasar na shirin sake bude filayen jiragenta ga kasashen waje a ranar biyar ga watan Satumba bayan sake dage ranar bisa wasu dalilai.