Ministan harkokin wajen Rahsa Sergei Lavrov da sakataren harkokin wajen Amirka John Kerry sun tattauna ta wayar tarho kan halin da ake ciki a kasar Siriya. Wata sanarwa da ma'aikatar harkokin wajen Rasha ta bayar ta ce mutanen biyu sun yi musayar yawu kan yadda za a tuntubi juna a yakin da ake yi da kungiyar IS don hana aukuwar wani akasi musamman a sararin samaniyar kasar ta Siriya, inda jiragen yakin Rasha da Amirka ke shawagi a bama-baman da suka jefawa kan sansanonin kungiyar ta IS.