Col. Mohammed Gnounou da ke magana da yawun gwamnatin kasar ta Libiya ne ya tabbatar da wannan nasara ta karbe sansanin sojin sama na al-waitya da ke kudu maso yammacin kasar. Tuni Firai Ministan kasar ya sanar da cewa sannu a hankali za su karbe dukka garuruwan da ma yankunan da ke hannun dakarun Janar Haftar din.

Za a iya cewa wannan wani babban komabaya ne ga Khalifa Haftar da ma dakarunsa da suka kwashe sama da shekara suna ikirarin sai sun karbe ikon birnin Tripoli.