Kungiyar 'yan tawayen wadda ke samun goyon bayan kasar Rwanda a makon da ya gabata ta kwace birnin Uvira mai muhimmanci da ke kusa da kan iyakar Burundi 'yan kwanaki bayan da gwamnatocin Kwango da Ruwanda suka rattaba hannu akan yarjejeniyar sulhu a Washington.

An dai sanya shakku akan yarjejeniyar sakamakon kutsen da 'yan tawayen na M23 suke kara yi wanda ya haifar da fargabar bazuwar yaki a fadin yankin.

Kungiyar ta ce za ta janye mayakanta don radin kanta ne bisa bukatar da masu shiga tsakani na Amurka suka yi mata a cewar wata sanarwa da da ta fitar

An shafe shekaru talatin ana dauki ba dadi a rikicin na gabashin Kwango mai arzikin ma'adanai.