Rashin tabbas kan mace-mace a Najereiya
April 30, 2020![Tricycles](https://static.dw.com/image/51315475_800.webp)
Cikin makonni baya-bayan nan, rahotanni sun cika kafofin yada labarai da na sada zumunta na zamani, kan yadda ake fama da mace-macen da ba a san dalilin afkuwarsu ba a jihar Kano da ke Trayarra Najeriya. Wannan dai na zuwa ne a daidai lokacin da aka samu matsala wakjen yin gwajin annobar Coronavirus a jihar, abin da ya tilasta rufe dakin gwajin cutar.
Wannan halin da Kano ta tsinci kanta dai, ya tilastawa shugaban Najeriyar Muhammadu Buhari daukar matakin sanya dokar zaman gida ta makonni biyu a jihar. Dama dai ita ma gwamnatin jihar ta dauki matakin sanya dokar zaman gidan, gabanin ta'azzarar mace-macen.
Kwatsam kuma sai rahoton irin wadannan mace-mace ya bulla a takwararta jihar Borno, da ita ma ke yankin arewacin kasar, inda nan ma fitattun mutane suka rasa rayukansu cikin wannan makon, baya ga sauran mutanen gari da ake samun rahoton rasuwarsu ba tare da sanin musabbabi ba.